Assalamu’alaikum
wr. Wb
Ingkang
dahad kinurmatan Bu Guru kalihan kanca-kanca sedaya kemawon ingkang kula
tresnani
Sepisan, monggo kita sedaya ngaturaken puji
syukur dhumateng Gusti ingkang maha Agung sampun maringaken sedaya nikmat lan
kewarasan dateng kita sedaya dumagi sakmeniko kita sedaya saged kempal wonten mriki.
Kula M. Ihsan Maulana sesulih saking kelompok
kula, inggih punika kelompok 6 badhe ngangkat tema “ayo nulis geguritan”
Kanca-kanca
sedaya…
Sampun ngertos punapa dereng, geguritan niku
punapa ?
Geguritan inggih punika wohing susastra
ingkang basanipun cekak lan endah. Geguritan asalnipun saking tembung “gurit”
ingkang tegesnipun kidung utawi tulisan ingkang awujud tatahan.
Ayo kanca-kanca sinau nulis geguritan !
Sakpunika panulisan geguritan benten kalihan
jaman rumiyen, mboten damel peugeran pinathok. Geguritan jaman rumiyen
diaranipun puisi jawa kuna utawi puisi jawa gagrag lawas, amargi keiket kalihan
guru gatra, guru lagu, lan guru wilangan. Puisi jawa kuna dipunwiwiti tembung
“sun anggurit” utawi “sun nggegurit”. Wonten puisi jawa anyar utawi geguritan,
sedaya aturan kalawau mboten wonten. Caranipun nulis geguritan inggih punika :
1.
Nemtokaken tema
2.
Milih tetembung
ingkang mentes
3.
Endah lan cekak
4.
Maringi
irah-irahan ingkang jumbuh kalihan isi geguritan.
Niki wonten tuladha geguritan, irah-irahanipun
“guru” kagem Bu Guru ingkang kula tresnani
Guru
Ing papan iki aku ngenteni
Sliramu sing tak kurmati
Ora lali
Aku saka ngomah wis nganggo minyak
wangi
Guru
Panjenengan pancen pantes digugu lan ditiru
Lakune panjenengan ora kesusu
Isa gawe tuladha kanggo awakku
Gunemanmu alus ngandhut ilmu
Aku ning kene mung isa tiru-tiru
Amarga sliramu sugih ilmu
Matur suwun guru
Panjenengan ora wegah ndidik aku
Marahi aku ben nduweni kepinteran
Sliramu ndidik aku ben isa sopan
Geguritan inggih punika basanipun endah.
Nanging sakniki ingkang remen geguritan ngih punika tiyang nem-neman tasik kedhik.
Amargi geguritan ngagem basa jawi, miturut tiyang nem-neman basa jawinipun
rekaos, kalihan ngunakaken tembung ingkang mboten langsung, konotatif, kalih
maknanipun rangkep. Sampun saget dipuntingali bilih kawigatosan tiyang
nem-neman kalihan geguritan pun wiwit ical.
Pun dados tugas kita sedaya nguri-nguri
geguritan sak derenge negari lintu ndadosaken geguritan kita dados geguritan negari
lintu. Kita kedah nuwuhaken raos tresno ugi nguri-nguri geguritan supados
mboten ical. Ingkang remen nulis geguritan saget ngandeng tiyang-tiyang supados
remen, ugi saget ngentun utawi nyebaraken geguritan meniko wonten media cetak. Pemerintah
inggih sampun kawigatosan kalih geguritan dipunwujudaken dateng pelajaran basa
jawi ing SMP.
Lan kula gadhah pesen kagem kanca-kanca
sedanten. Kula kepingin kanca-kanca remen kalih basa jawi lan remen nulis
geguritan
Cekap
semanten saking kula, menawi anggen kula sakanca kagungan klentu, kula nyuwun
agunge pangapunten dhumateng sedaya kemawon. Kula aturaken sembah suwun.
Wassalaamualaikum
Wr. Wb.
😎👍
BalasHapus